Akoakoga a te Tupe Teu a Tuvalu
Ne tusi ne Lina Malaki
Tino galue a te Ofisa o Tupe Teu o Tuvalu mai fenua ki matuu o Tuvalu ko nofo nei i luga i te laumua o fakatasi atu ki te faiga o akoakoga ne fakatoka ne te matagaluega o te Ofisa o Tupe Teu a Tuvalu.
I pati a te Menetia Saukatoa o te Ofisa Tupe Teu, Penielu Teo, ne fai mai ki Tala Tuvalu me i te akoakoga tenei ne ‘tala i te aso anafi kae ne toe fakafou foki loa i ei a feagaiga a Tie Maheu mo Sunia Vaguna mo te lei o laa o galuega ne fai I Niutao mo Nanumea.
Ne faopoopo mai ne Penielu i a Taeka Taimi ne saina tena feagaiga mo te Ofisa Tupe Teu tela ko sui ei ne ia Pasama Tepaula I Nanumaga.
Sui ki te akoakoga ne fakaakoako ki te fakatokaga o faiga louni mo te Ofisa Tupe Teu, te fakamauga o tupe o tino galue pela foki mo tausiga o polotieki o fenua.
Ne toe faopoopo mai ne Penielu i te akoakoga tenei se akoakoga e fai fakatasi mo te Ofisa o te Pange Atiake o Tuvalu me I tino galue konei e fai ne latou a galuega a pange e lua.
Te akoakoga tenei e togigina mai lalo i te tupe fesoasoani a Taiwan mo Pisinisi Foliki.
Palele……..
