Annie ki te fonotaga i Noumea
Ne tusigina ne Semi Malaki
Te Ofisa fakatonutonu o te Fakapotopotoga se aofia i te Malo ko te TANGO, ko oti ne foki mai ki te atufenua mai tua o te fakatasiatuga ki fonotaga i Fiiti pela foki mo te fonotaga a te Fakapotopotoga a tino o te Pasefika SPC tela ne fai i Noumea.
A Annie Homasi ne filigina ne te Fakapotopotoga se aofia i te Malo a fenua o te Pasefika (PIANGO), ke sui atu ne ia te fakapotopotoga ki te fonotaga tela ne fakatoka ne te SPC mo se leva e tasi te vaiaso.
I ana pati me ia latou ne toe onoono ki te palani fakatautau a te SPC mo tulaga tau te ola lei i te Pasefika.
Ne faopoopo mai ne ia, me i te taulasiga o latou kola ne fakatasi atu ki te fonotaga tenei, ne sui mai matagaluega o te ola lei mai fenua o te Pasefika.
Latou ne fesoasoani fakatasi ki te kau kola ne fakatoka ne latou te palani tenei ki te fakamainaga o tulaga o te ola lei i olotou fenua.
I pati a Annie i tena fakatasi atu ki te fonotaga tenei ne togigina katoa ne te fakapotopotoga tenei ko te SPC.
Palele…
