Aso o te suka i te lalolagi fakamanatu i Tuvalu
By Yvette D’Unienville
Tausiga mai te sukaa e taua mo tino katoa ko te muna tuku o te aso fakamanatu o te suka i te lalolagi tela ne pakuu tonu ki te asoanafi Novema po 14.
A Tuvalu ne fakamailoga ne ia te aso tenei ki te fakasalalauga fakapitoa telaa ne fakatoka ne te matagaluega o te ola lei.
Te fakasalalauga fakapitoa ne akoako atu i ei ki tino e uiga mo te masaki ko te suka i te fakamataku o ia ki tino meakai mo te taua o te fakamalosilosi.
Te ofisa mo akoakoga tau te ola lei Avanoa Paelate ne fai mai ki tala o Tuvalu, e fakamoemoe a ia ko tino o te atufenua ko malamalama I te masaki tenei ko te suka, ona kafai ko maua koe ne te suka, ka nofo loa mo koe te masaki tenaa I tou olaga katoa.
Tela la I ana pati ko latou kolaa e maua ne te suka ke usiusitai ki olotou meakai kae ko latou kolaa e seki masaki ke taumafai o fai fakalei olotou meakai kae ke fai olotou fakamalosilosiga.
Te po 14 o Novema ne filifiligina mo fakamanatu te aso tenei ona ko te aso fanau o te tagata e igoa kia Frederick Banting telaa fakatasi mo Charles Best ne mafua mai i ei te mafaufauga tenaa telaa ne ala atu foki o iloa a te insulini I te 1922.
PALELE…
