Fakapotopotoga Tuvalu mo Taiwan ka fakatuu
Ne tusi ne Silafaga Lalua
Te fakapotopotoga i te va o Tuvalu mo Taiwan ka fakatuu i luga i Tuvalu nei.
Te fakapotopotoga ka aofia i ei ko tino Tuvalu katoa kola ko oti ne fakatasi atu kin e akoakoga i feitu kesekese mai lalo o te fakapotopotoga fesoasoani a te malo o Taiwan ko te ICDF,kae ne fai i Taiwan.
Te pogai tonu o te fakapotopotoga ko te faka malosi atu ne ia te vaa o Taiwan mo Tuvalu kae fesoasoan foki ki te fakailoa atuuga o mea taua mo auala fesokotakiga ki luga i taugasoa i te avaa fenua konei.
E iloa atu ne tala o Tuvalu me ka fai te fonotaga muamua eiloa a te fakapotopotoga tenei i te aso taeao tela e manakogina ei ko tino katoa kola ne olo ki Taiwan mai lalo o te polokalame tenei ke oko atu ki ei.
I te fonotaga foki tenei ka fili ei te takitaki o te fakapotopotoga mo ana komiti katoa. Se gata i kona ka onoono foki te fakapotopotoga ki te fakavae o latou.
Ka isi se kaiga tela ka fakatoka ne te ofisa o te ICDF i luga i Funafuti nei.
PALELE
