Fonotaga a te Kaunisela o takitaki o Tuvalu I Aukilani
Ne tusi ne Yvette D’Unienville
Te fonotaga a te Kaunisela a takitaki o Tuvalu I Aukilani I Niusila ne fakatoka pelaa mo te Palemene I Tuvalu nei, I pati a te takitaki fono Palemene tena malu Kamuta Latasi.
I te fakasautalaga ne tala o Tuvalu a tena malu Kamuta ne fai mai I mataupu o te fono mataupu ne mataupu katoa loa tau te atiakega o olaga o tino Tuvalu I Niusila.
E aofia foki i ei a taumfaigaa ke moaa e soli tulafono a tamataene mo tamafine, mo tino Tuvalu katoa I koo, tausi te filemuu, saga tonu o galue, tamaliki ke fakaakoga fakalei ko te mea ke maua se olaga tafasili i te lei.
I te fonotaga ne faipatigina foki a te mafaufauga ke fakatumau ne tino galue I loto i te fakapotopotoga tenei a tino Tuvalu e pelaa foki te fonotaga a latou ke fai I tausaga takitasi ke mafai o fonofono ki mataupu e aoga mo tino Tuvalu.
Te fonotaga ne fai I te po 18 o Novema 2006 mo se aso fua e aso e tasi kae ne pono fakapitoa ne tena malu Kamuta.
Palele
