Marie Claire i Tuvalu nei
Ne tusi ne Silafaga Lalua
Te vela o te vanimonimo mo kogaa fenua o Tuvalu ne ala ei o oko mai te Malaga a te nusipepa lasi e tasi i te lalolagi ko te Marie Claire ki Tuvalu o pei ana ata.
Te tokolua pule o te nusipepa i Tiapaani ko Mayumi Toura ne fai mai ki tala o Tuvalu me i a ia ne salasala ki se fenua foliki tela e lasi te fakamasegina ne te vela o te vanimonimo kae ne maua ne ia Tuvalu.
A ia e manako malosi ko Tuvalu ke fakaasi atu ne ia ki tino Tiapaani mo te malo saukatoa, mo te fakalavelave e fakafeagai mo ia, e auala i ata mo tala kola ka ave i te nusipepa ma oko latou ki Tiapaani.
I muna a Mayumi me ko oko loa tena fiafia i ata kola ko oti ne pei i naai aso kola ne nofo aka ei latou i konei.
A te potukau tenei ne aofia i ei se tamaliki fafine fakaasi gatu, tena tino fai gatu, tino fakagaligali o ia, tino fai ulu, ana tino pei ata mo te tino puke tala a latou, ne tiaki ne latou te atufenua i te aso nei.
Te olotou Malaga ki konei ne fakatoka katoa ne te fakapotopotoga se kau i te malo ko te Tuvalu Overview.
PALELE…
