Matagaluega tumaa ko asi ki meakai i loto i sitoa
Ne tusi ne Diana Semi
A tino galue o te matagaluega o te tuu maa i te fakai masaki lasi ko fai nei olotou galuega ki te asiga o meakai I loto I sitoa I luga i te laumua nei.
Ne kamata te galuega a latou i te aso nei.
Ne lipoti mai ne te pule o te matagaluega o tuu maa ko Falealili Feagai i te asiga o meakai i sitoa e tau o fai I aso takitasi kae ona ko nisi fakalavelave ko se mafai ei o fakataunu te manakoga tena.
I ana pati I te asiga a latou e onoono ki po masina o meakai kolaa ko se tau i ei o fakaogaa a meakai, kae kafai e maua ne latou ne meakai penaa ka fakamasei i ei.
Te galuega tenei se galuega e fai sale loa ne te matagaluega ko te mea ke lei a meakai e fakaogaa ne tino Tuvalu mo te ola lei o latou.
Te matagaluega e taumafai ke fakaoti tena asiga ki sitoa katoa koi tuai o oti ate tausaga tenei.
Palele…
