Polokalame fou i te fakaogaaga fakatasi o fakamatalaaga
Ne tusi ne Silafaga Lalua
Te matagaluega o mea tau tala mo fesokotakiga fou i te ulu ofisa o te fakapotopotoga o mea tau enivalomene o te Pasefika ko te SPREP i Apia Samoa, e fai nei ne ia a fakaakoakoga o ofisa mai matagaluega fesokotakiga tau internet mai fenua katoa e kau i te fakapotopotoga.
A Lanieta Faleasiu te sui pule o te matagaluega fesokotakiga fou ne nofo i Samoa mo se leva e tolu masina o fakakoako ki te avega o tala mo fakamatalaga taua ki luga i te internet.
A Lanieta ne fai mai ki tala o Tuvalu me i te mea nei ko te vaega 4 o te polotieki e igoa ki te ‘galue fakatasiiga o matagaluega enivalomene o te Pasefika ki te fakaogaaga fakatasi o fakamatalaga’ ? io me ko te PEIN.
Te manatu maluga o te PEIN ko te mea ke mafai o fakaoga fakatasi ne matagaluega enivalomene katoa a fakamatalaga ki luga i mea tupu taut e enivalomene pela mo te vela o te vanimonimo o te fanaka o te levolo o te tai, ne fenua katoa e kau i te SPREP mo niisi fenua mo fakapotopotoga aka.
I ana pati me i te polokalame tenei e a te matagaluega o enivalomene, kae fakatali nei te fakagaluega o ana mea ne tauloto me seki oko mai mea fai galuega o te polotieki.
Te polotieki tenei e fakatautau ke fakaoti i te fakaotiga o t tausaga nei.
A Lanieta ne togigina ne te Iuniuni a Eulopa.
PALELE
