Suaa nonu Tuvalu ki tua atu
Ne tusi ne Diana Semi
Te oota muamua loa a Tuvalu o fakatauatu ki tua atu tela e faite I Tuvalu nei mai fuaga nonu ka avatu I luga i te malaga a te vaka kakoo ko te Southern Moana mai mua nei.
Te oota tenei ko sua o nonu tela ne oota mai ne te kamupane e tasi o Taiwan ko te Bio-Technology International.
Te kamupane tenei e igoa ki te Nonu Tuvalu kae fakatele ne te tauavaga Tuvalu ko Otinielu mo tena avaga ko Mee.
Ne lipoti mai ne Otinielu i te oota muamua tenei e aofia i ei e 10 afe lita sua nonu kae I ana pati I tena kamupane ka fakasoko loa te avatu o sua nonu ki te kamupane tenei o Taiwan.
Ne faopopo mai ne ia me ka isi foki se taumafaiga ki oota mai nisi fenua pela mo Hong Kong, Saina Kominisi, Amelika mo Eulopa.
Te kamupane Taiwan tenei e oota foki ne is sua nonu mai Kiribati mo Palau.
E fiafia lasi a te Nonu Tuvalu o togi a nonu mai sose tino tela e manako o fakatau ana fuaga nonu ki te Kamupane ki se togi e 40 ki te 50 sene i te kilo.
Tena Malu Otinielu Tauteleimalae Tausi ne fai mai ki tala o Tuvalu, I te avanoaga tenei e fesoasoani ki tino katoa Tuvalu kola e manako o toki fakalei a nonu kae fakatau atu ki te Nonu Tuvalu.
Palele
