Te Sukaa ? ko lasi i Tuvalu
Ne tusi ne Yvette D’Unienville
Te aofaki o tino sukaa i Tuvalu e fanaka loa i tausaga taki tasi i muna a te ofisa fai akoakoga mo masaki valevale ko Avanoa Paelate.
I ana pati e e lua vaega o te masaki ko te suka. Te vaega muamua ko te vaega tela e pokotia fua i ei tamaliki mai te 2 ki te 24 tausaga te matua, kae tela e se lasi i Tuvalu nei.
Te vaega lua e pokotia ei a tino matua mai te 25 tausaga ki luga kae lasi kii te aofaki o tino Tuvalu e pokotia i ei, se gata ikona e fanaka loa te aofaki.
A te sukaa se tasi o masaki lasi te fakamasei ki ola lei o tino i te lalolagi katoa tela ko oti nei ne fanaka ki te 180 miliona, kae fakatautau ke tapolo te aofaki tena i te tausaga 2030.
Ko oti nei ne mate a tino e 1.1 te miliona i te lalolagi i te tausaga e 2005.
A te matagaluega o te ola lei i te fakaimasaki lasi o Tuvalu e fakakoako atu ki tino i polokalame fai a latou i te letio e uiga mo te masaki pela foki mo auala e fakagata i ei, kae puipui foki ei latou kola seki pokotia.
Te matagaluega e fakamalosi atu ki tino Tuvalu ke se kai ki meakai kola e lasi te suka i ei, kae ke inu faeloa se ipu vai i itula katoa kae ke fai foki a fakamalosilosi a latou.
PALELE…
