Tino poto mai Taiwan o fesoasoani ki te matagaluega fesokotakiga fou o Tuvalu
Ne tusi ne Silafaga Lalua
Te malo o Saina se Kominisi i Taiwan ka aumai ne ia ne tiimu e lua kamata mai te masina nei o fesoasoani ki te matagaluega fesokotakiga fou o Tuvalu.
Lipoti ne maua mai me i te tiimu muamua e tokolua tino poto i ei kae ka aumai o kilo ki te tulaga o te faigamaloo i luga i te Internet.
Te faiga malo i luga i te internet e aofia i ei.
Te lua i tiimu e tokotolu tino ka aumai i ei mai te po 30 o Novema ki te po 7 o Tesema 2006, o fakapiki a komipiuta fou e 66 kola ne fakamealofa mai ne te malo o Taiwan.
I tafa o te fakapikiiga komipiuta a latou ka fakatele ne latou se akoakoga e lua aso te leva ki uga i te fakapikiiga o komipiuta, faitega o mea masei pela foki mo te tausiga o masini konei i loto i ofisa taki tasi.
Te matagaluega tenei ko kami nei ne latou ne tino kola e manakogina ke fakatasi ki te akoakoga tenei tela ka fai i te vaiaso muamua o te masina fou, i te koga tafa ki lalo o te ofisa lasi o te malo.
PALELE
