Togo ka toki i te matafaga o Funafala
Ne tusi ne Silafaga Lalua
E tokolua a polofesa mai Tiapaani e nofo nei i te atufenua, mai luga i te kamiga mai te fakapotopotoga se kau i te malo ko te Tuvalu Overview, ke fai te savea a laua ki luga i te mafai o toki a togo i Funafuti nei.
A polofesa ko Shigeyuki Baba mo Miyagi ne olo atu ki Funafala anafi o fai te sukesukega ki luga i te maluga o te laukele mai te gataaga o te tai, kae sala foki me maua ne laua se koga lei mo toki a togo i Funafala me ikai.
A Baba ne vau mai te Sosaiete mo te tokiiga mo te fakaolaaga o togo a te lalolagi, mo te polofesa ko Toyohiko Miyagi mai te akoga maluga ko Tohoku Gakuin, ne fai mai ki tala o Tuvalu me i togo e fesoasoani ki te fakafolikiga o te fakamasei a te tai ki te laukele.
I laa pati me lasi kii te fakamasei e lavea ne laua kae auala mai te vela o te vanimonimo.
E iloa ne tala o Tuvalu me ka tusi ne te la lipoti i laa mea ne maua ko fakatalitali ei laua ki se fakatagi mai te malo manafai e manako ke toki ne latou a togo i konei.
I muna Baba me i a laua e fiafia kii o galue fakatasi mo tino Tuvalu i te tokiiga o lakau konei.
Te Malaga tenei ne fakatokagina katoa ne te Tuvalu Overview kae togigina ne te Cosmo Oil o Tiapaani.
PALELE…
