Tulafono fakatautau mo te fakmafuliga ki te tulafono mo manafa
By Yvette D’Unienville
Te aofaki o tausaga o sose liisi I loto I Tuvalu nei ka mafai o fanaifo ki te 25 tausaga mafai e pasia ne te Palemene a te tulafono 2006 ke fai se fakamafuliga ki te tulafono mo manafa.
Te tulafono fakatautau tenei ka avaka i te fonotaga a te Palemene tenei kafai mai mua nei.
E pelaa mo fakamatalaga a te Sui Loia a te Maloo- Ese Apinelu- te tulafono tenei, ke fakatalia ne te Palemene ke fai se fakamafuliga ki te tulafono mo manafa ko te mea ke tuku ifo te aofaki o tausaga o sose liisi I loto I Tuvalu nei mai te 99 tausaga ki te 25 tausaga.
Ne faopoopo mai i te tulafono tenei ka tuku ifo ne ia te aofaki tausaga e fakatapulaa i ei a sose liisi I Tuvalu nei mai te 99 tausaga ki te 25 tausaga.
Ka mafai fua o silia atu a tausaga o sose liisi mai te aofaki o tausaga e fakatapulaa telaa ko te 25 tauaga mafai e talia ne te Minisita.
Te tulafono tenei e taia katoa i ei a liisi kolaa ko oti ne fai mo se leva e silia atu I te 25 tausaga.
PALELE
