Consultations mo akoakoga
Ne tusi ne Silafaga Lalua
Te faipatiga ki luga i te faitega o te fakasologa o mataupu fai i loto i akoga, kae tela e fakatelegina ne te matagaluega akoga ko fakaotioti nei i Funafuti nei.
I lipoti mai te failautusi o akoga mo tafaoga ko Solofa Uota ne fai mai i faipatiga ne fai ki luga i fakapotopotoga o fenua taki tasi i luga ki te faitega o se fakasologa o mataupu tela ka fakaoga ne faiakoga mo takitaki ki ei latou i te faiakogaaga o tamaliki akoga mai akoga fakamasani ke oko ki akoga lasaga lua.
E aofia i ofisa konei e fai ne latou a faipatiga konei ko te pule o akoga, ofisa matuatua e tokofa mai te matagaluega mo faiakoga ei e tokolima mai te akoga ko Motufoua.
I pati a Solofa me ona ko te katikatiga ki lalo o te tupe fano, ne ala ei o lua a paaga o te maiga a faiakoga Motufoua o fesoasoani i Funafuti nei.
Ne fai mai foki ne ia me i faipatiga tenei e fakatautau ke fakaoko atu ki fenua i tua atu o Funafuti i se taimi pili mai mua nei.
Te faipatiga mo te fenua ko Funafuti ka fai i te afiafi nei i te Tausoa Lima Falekaupule.
Palele…
