Fakapotopotoga pisinisi fou i Tuvalu
Ne tusi ne Ruby Alefaio
Tino fai pisinisi i loto i te atufenua ka mafai o maua foki ne laatou fesoasoani ki te atiakeega olotou pisinisi mai te fakapotopotooga fou ko te PSOT io me ko te Private Sector Organization of Tuvalu.
Te takitaki o te fakapotpotooga mo te vaitaimi nei Puafitu Faaalo ne fai mai i te fakapotopotooga e taumafai o kilokilo kae fesoasoani ki te ola lei o sose taumafaiga tau pisinisi mese tulaga lasi io me foliki.
Se gata i ei te pogai ne fakatuu i ei a te fakapotopotooga ke mafai o atiake i ei tulaga o te private sector o Tuvalu, kae maise o fakafoliki io me fakaseai tulaga o te olaga faigata io me ko te mativa i loto i Tuvalu. Sua feituu ko te fakauke atu o avanoaga gaalue mo tino Tuvalu.
I te fakafesiliiga me kaiaa e se 'kau tasi i ei te PSOT mo te Tuvalu National Chamber of Commerce, i pati a Puafitu me e tai 'kese eloa a te taumafaiga a te PSOT, kae ko lei atu la me ko lua a fakapotopotooga ko mafai ne pisinisi o filifili te fakapotopotooga ka 'kau kiei.
Ko nofo ki te tino faa mo te tokoono a tino e kau io me ko sui o te PSOT i te vaitaimi nei. I tafa foki iei ko isi se komiti e onoono io me tausi nei ne ia te fakagaluegaaga o te fakapotopotooga, e galue e tusa mo te fakavave o te PSOT.
Ne faopoopo mai foki i te lipooti me ko oti ne fakatalia te fakavae fou o te PSOT i te po 13 o Novema, pelaa foki mo tena fakatokaaga o tena fakataugaa tupe mo te tausaga fou.
Palele
