Fonotaga a maloo kaufakatasi
Ne tusi ne Yvette D’Unienville
Te fonotaga a te potukauga o Minisita a maloo kaufakatasi telaa ne fai fakamuli nei i Londona, ne seki kaufakatasi atu ki ei Tuvalu.
E pelaa mo te lipooti ne maua, te potukauga tenei i tena fonotaga ne iku ke fakamalolo a Fiiti mai loto i te kaunisela e fai ne ia a filifiliga mo fenua a maloo kaufakatasi.
Ko te tolu o taimi tenei i loto i tausaga e 20 ke se fakakau a Fiiti ona ko te pukega ote maloo o Fiiti ne te kautau.
Ne fakaseai ne te maloo kaufakatasi a tena polokalame fesoasoani i tino atamai telaa e masani o maua ne Fiiti mo te fakagaluegaga o ana tulafono, te atafaiga o kaitalafu mo sokotakiga ki te fakapotopotoga fakatau koloa.
Tuvalu se fenua e tasi e kau i te fakapotopotoga a maloo kaufakatasi, kae ne seki mafai o fakatasi atu ki te fonotaga tenei ona ne seki ai se kamiga.
Palele.............
