Igoa o tamaliki manuia i te sukega vasega valu ko pili o toka
Ne tusi ne Silafaga Lalua
Kai mo igoa o tamaliki ne manuia olotou sukega mo te vasega valu ki te akoga ko Motufoua ko pili nei o toka o fakasalalau i muna a te failautusi o akoga ko Solofa Uota.
I muna a Solofa ki tala o Tuvalu me i faiakoga o Motufoua kola ne aumai o maaka a pepa sukega konei ko oti ne foki atu ki Vaitupu i te Malaga a te vaka taluai i te otiga ne maaka a pepa.
I ana pati me i te minisituli e fakatali fua nei ke maua mai se taliaga mai tena malu te minisita ke fakasalalau a igoa o tamaliki.
I tafa loa o te sukega tena a faiakoga ne maaka foki ne latou a pepa sukega ki te sukega a vasega lima maluga o te akoga.
I niisi tala mai te matagaluega o akoga, a avanoaga akoga ki tua atu io me ko pre-service seki fai nei te filifiliga ona e seki maua a kai o te vasega fitu maluga.
Ne fai mai foki ne Solofa me i kai o sukega katoa mo avanoaga akoakoga ki tua atu e tau katoa o toka i te vaiaso muamua o Ianuali, 2007.
Palele…
