‘Kaiga Kilisimasi a Taiwan
Ne tusi ne Silafaga Lalua
I te kogaloto o te vaiaso fiafia tenei, a matagaluega takitasi ko fai loa nei olotou ‘kaiga mo fakafiafiaga mo te Kilisimasi mo te Tausaga Fou i koga masani loa o latou.
Te ofisa o Taiwan i luga i Funafuti nei e fakamanatu foki ne ia te Kilisimasi mo te Tausaga Fou i te po nei ki te ‘kaiga i te fale tali malo ko Vaiaku Lagi.
Te Sui Maluga o Taiwan ki Tuvalu nei ko Tokita Daniel Liao mo tena avaga kola e fakatoka ne laua te ‘kaiga tenei, ne kami ne laua ne tino ke fiafia tasi mo latou i te po nei.
Tena Malu Liao mo te Ulu o te Malo Apisai Ielemia ka fai a la lauga mo te faigamea i te po nei.
Tamaliki o te akoga lasaga muamua ko Nauti, mo tamaliki fafine o te T-Clan ka fakafiafia ne latou te afiafi ki siva mo pese Taiwan.
E iloa atu ne tala o Tuvalu me i te fale talimaloo ka pono ki tino fakatea ke oti te faigamea, ako te koga togi meainu mua ka matala loa ki tino.
PALELE
