Koga talavai fonu i tino talavai
Ne tusi ne Silafaga Lalua
E siliga atu i te lua lau tino masaki i te fakaimasaki i te aso anafi o fakatali ke fai olotou masaki i tokita.
Te sui pule o tokita ko Tokita Stephen Homasi ne fai mai ki tala o Tuvalu me se famai tenei e fano kae ne tokouke kii a tino ne pokotia i ei i aso maloloo te Kilisimasi.
I ana muna me ona la ko te Aso Gafua mo te Aso Lua ne aso malolo te tokoukega o tino ne seki olo o talavai kae ne fakatali loa ki te aso anafi ke toe ga’lue a tino.
I tafa i kona a tokita i te fakaimasaki i taimi nei e tokolua fua- kae tiga i ei ne mafai loa o oti te lua lau tino masaki ne talavai i te tutonu o te aso anafi.
Lipoti ne maua mai me ko te ‘sana mo te fuluu a famai lasi konei e poko nei, kae i tafa i kona te fulafula o ua mo mata kula ko pokotia foki nei.
I pati a Stephen me i te uke o ‘kaiga i aso konei, ko ala ei a tino o kai ki meakai toe kola e se faka’vela fakalei, ko maua ei latou ne te ‘sana.
I ana muna foki me i tamaliki e lasi foki te pokotia i famai konei tela la e fakamalosi atu ki matua ke se aveave ki koga e tokouke ei a tino i taimi konei o faigamea ‘lasi. Kafai foki e masaki se tamaliki ke fakamavae keatea mai te kaiga katoa ke fakagata te ‘pisi o ma’saki ki te kaiga mo tino katoa.
A tokita e tokolua konei ka mafai o maua se la fesoasoani i te kogaloto o te masina ma vau mafai ko oko mai se tokotasi o tokita mai te malologa, ako tokita katoa ka foki mai katoa i te fakaotiga o te masina ma vau ? Ianuali, 2007.
PALELE
