Taumafaiga o fakafoliki kaiga maa’vae i Tuvalu
Ne tusi ne Yvette D’Unienville
Te matagaluega mo olaga o tino i fenua e naunau malosi o kati ifo ki lalo a te fuainumela o kaiga maavae mai te fai atu o fautuaga kolaa ka mafai i ei o toe ‘soko a tauavaga.
I te vaitaimi nei, e seai se tulafono telaa e fai mai ko tauvaga fia mavae ke aofia muamua i ne polokalame i faipatiga penei,kae e ui ei a te Palani mo te atiakega o olaga o tino telaa ka fakagalue i te suaa tausaga 2007 ka onoono ke fai se tulafono penaa.
I te fakafesiliga me kaiaa e saga i ei a te matagaluega o puipui o te mavae o tauavaga, ne fakaasi aka ne te ofisa e galue mo olaga o tino - Teuleala Manuella, i kaiga e taua kii ki te atiakega o te fenua, mo te atufenua saukatoa kae maise i ei a te atiakega olaga o laa fanau kolaa e tuu i te togaloto o te fakalavelave a matua.
Ne faopoopo aka ne ia me i te mataupu ki te mavae o kaiga e mafai foki o toe fai ne fanau a kaiga konaa io me fuli olotou uiga ? ko fakamasei foki ki olaga o nisi tino, kae ko se fesoasoani ki te atiakega o te fenua mo te atufenua saukatoa.
A te matagaluega ko oti ne fai ana sokotakiga mo te Ofisa ote Loia o tino ko tino kolaa e fakatagi atu ke tala olotou avaga, ke tuku atu muamua ki te matagaluega ke fai a te polokalame Counsel io me faipati koi tuai o avaka ki te fono.
I pati a Teuleala me ko oti ne lavea aka, i niisi tauvaga kolaa ko mavae, mai tua o galuega ne fai ne te ofisa o te Loia i te fakatokaga olotou tagi, ko oti foki ne tala ne te fono olotou avaga, kae oti ko toe nofo tasi.
Te matagaluega ko oti ne kamata kae koi tumau foki loa tena fesoasoani tenei mo tauvaga kolaa e manakomia ne latou.
Palele
