Tino tusi tala mai Asia mo te Pasefika asiasi atu ki Indonesia
Te malo o Indonesia ne kami atu ne ia tino tusi tala mai fenua o te Forum o te Pasefika pela foki mo fenua o Asia ki te polokalame e lua vaiaso te leva i Indonesia mai te po 30 o Novema ki te po 6 o Tesema 2006.
Silafaga Lalua ne sui atu ne ia te ofisa fakasalalau o Tuvalu, kae ne fai mai ki tala o Tuvalu me i te polokalame se auala e fakasalalau ei a te fenua ko Indonesia mo te lasi o te kesekese o tino mo tuu mo faifaiga a latou.
Te fenua foliki e lasi tena fesoasoani ki feitu tau tualisi o te fenua ko Bali ? ko lasi nei ana taumafaiga ki te asiiga o tino taki tokotasi e olo atu ki Bali ona ko te fakalavelave ne tupu i te poomuuga o te fale saka e tasi i te 2002.
Ne lasi te fanaifo o tupe maua a te fenua i taimi tena, kae ko lasi kii nei te fanakaaga i tausaga konei ko teka. Tiga i ei e se nofo te malo mo tino pulepule o taumafai ke lei katoatoa te olaga o tino i Bali, pela foki mo Indonesia katoa mai tino fakatupu fakalavelave kae fai amioga takafiatoa.
E fakamalosi mai ne tino mo te fenua o Indonesia me e lei faeloa te olotou fenua mafai te tino faimalaga e tausi ki tulafono a te fenua.
A Silafaga ne foki mai ki te atufenua i te aso anafi kae ko tena fakatasi atu ki te polokalame tenei ne togigina katoa ne te malo o Indonesia.
Palele…
