Tokotolu Neesi ko ikumanuia
Ne tusi ne Yvette D’Unienville
E tokotolu a Neesi i te atufenua ne aofia i te tino lua mo te tokofaa sui mai fenua o te Pasefika kolaa ne puke olotou setifiketi i luga i te Polokalame tau te ola lei i feituu tau fanafanau.
E aofia i ei ko te tokolua neesi mai te fakaimasaki lasi o Tuvalu Masina Amotai mo Maakaga Toematagi, mo te neesi i ei a te Fakapotopotoga Ola lei o Tuvalu, te TUFHA ko Felise Afasene.
Te koosi telaa ne fai i masina e lua ne kamata i te po 25 o Setema 2006 i te akoga fakatokitaa o Fiiti i Suva.
Ne fai mai ne Felise me ne lei kii kae aogaa kia ia a te akoakoga ona ko maua ne ia ne iloa katoatoa ki luga i mataupu tau te ola lei i Tenita, kae maise i ei ko feagaiga tau te ola lei kolaa e masani o lagona ne ia kae seai loa sena malamalama me neaa.
Ko te taimi muamua tenei ko te Polokalame ke fakaofia ne ia se sui mai Papua Niukini.
Ne iloa atu ne tala o Tuvalu i te pukega pepa o te akoakoga tenei ne fai i te po 6 o te masina nei.
Palele...
