Tupe fakakaitalafu se fakaoga
Ne tusi ne Silafaga Lalua
Te pangike atiake o Tuvalu koi taumafai loa nei o ‘tae a tupe a te pangike kola ne galo atu mai luga i te fakakaitalafuuga ne tino fai pisinisi i aso ko teka.
Te menetia o te pangike ko Taukave Pool one fai mai ki tala o Tuvalu me e tusa mo te 1.3 miliona talaa ko galo atu nei mai kaitalafu a tino kola seki tinatina ke oti.
I muna a Taukave me i te mea nei e tupu mafai ko ‘mate a pisinisi, kae talitonu laua mo Nakala Nia, te ofisa fai fesokotakiga o te Fakapotopotoga Pisinisi o Tuvalu, me i pisinisi e ‘mate mafai e se fai fakalei te fakateletelega.
I ana muna foki me i te pangike nei koi taumafai loa nei o sala auala ke mafai o toe fakafoki mai olotou tupe kola ne galo.
Ne fai mai foki ne ia me ona ko te pogai tenei, ne ala i ei o toki a tulafono ko te mea ke fai ne puipuiga ki sose kaitalafu tela e fai mo te pangike atiake.
Palele
