Convair liisi mo se suaa ono masina.
Ne tusi ne Yvette D’Unienville
Te Ea Fiiti e taumafai loa o fakatumau a mea tau olomalaga mo te vasii tenei o Fiiti mo Tuvalu.
Te vakalele ko te Convair ne palele tena liisi ne te Ea Fiiti mai te Kampane vakalele a Niusila i te masina o Tesema 2006.
Kae ne fai mai ne te failautusi i te Minisituli mo olomalaga Tapugao Falefou, I te fonotaga a te Komiti o te Ea Fiiti telaa ne fai I te masina o Tesema 2006, ne talia I ei ke toe fakafou a te liisi ne te Ea Fiiti a te vakalele ko te Convair mo se suaa ono masina.
Ne faopoopo aka ne ia me I te taumafaiga tenei a te Ea Fiiti I te vaitaimi nei ona ko tulaga tau tupe, ko te mea fua ke liisi se vakalele ke fakagalue mai ki Tuvalu.
Te Brasilia telaa ne liisi foki ne te Ea fiiti mai te Kampane Ausitalia ko oti ne fakafoki ona te tupe fakamaumau ki te tausiga ke lei a te vakalele e tai lasi loa,
I pati a Tapugao me i te suaa pogai ona a sui o ana mea masei e tai tuai foki o maua.
Palele
