Ikuga o te FJC
Fong/Michael ? Tues ? 16/01/07
Te sukega mo vasega faa maluga ko oti ne laulau i te po o te Aso Gafua.
Lipoti mai te matagaluega o akoga me tusa mo te 141 tamaliki vasega faa ne suke i te sukega tenei i te tausaga ko fano.
E 86 mai ia latou konei ne manumalo olotou sukega, e 23 ne toe fakaavanoa ke toe fakafoki olotou vasega faa, kae 32 ne seki manuia eiloa olotou sukega.
Ne lipoti mai me pela mo aso mua e laulau foki loa a kai mo taumafaiga a tamaliki, i taimi nei ko se talia ne te matagaluega o Fiiti ke toe fai pena ko te mea ke se toe fakapaupau taumafaiga a tamaliki ki sua tamaliki.
E maina tala o Tuvalu me i tamaliki katoa kola ne suke i sukega lasi o te tausaga ko fano ko toka nei o fai olotou palani mo te tausaga akoga tenei ona ko oti katoa ne fakasalalau a ikuga o sukega katoa.
Te sukega a vasega 6 maluga i te tausaga ko fano ko toka nei foki ana ikuga kae e manakogina ne te matagaluega o akoga, ko matua o tamaliki konei ke olo atu ki te ofisa i taimi galue o puke a kai o olotou fanau.
