Lakapii ko kamata i Tuvalu
Ne tusi ne Silafaga Lalua
Mo te taimi muamua loa i Tuvalu, te tafaoga ko te Rugby Union ka fai te filifiliga o ana tamaliki tafao.
Te tokotasi o tino ne kamata ne latou te fakapotopotoga ko Fenua Toomu ne fai mai ki tala o Tuvalu me ka fai ate salaaga o te tiimu i te aso taeao po 11 o Ianuali, 2007, i te aafa o te faa i te afiafi.
Sose tamataene e fiafia ki te tafaoga ko kamigina ke tafao i te tafaoga, tela ka fili ei te tiimu pela foki mo komiti o te tafaoga.
Fenua ne fai mai i te tafaoga tenei e ala o kamata ona ko te fakamoemoega ke fakaoga taleni tafao o tamataene Tuvalu. Se gata i kona e isi foki se fakamoemoega ke fakaasi atu te tafao a tou tamaliki i tafaoga fakatasi a fenua o te Pasefika pela foki mo te lalolagi katoa.
I kona i muna Fenua me mafai ei ne tou tamaliki o puke ne tiimu mai niisi fenua, tela se auala foki o mai ne tupe ki loto i te atufenua.
Te tafaoga ka fai i te malae tafao fou a Tuvalu kae fakamolemole atu ki tino finafinau o tafao i te tafaoga tenei ke olo atu katoa o tafao io me onoono.
Palele
