Minisituli Malo o Fenua fai lotu
Ne tusi ne Silafaga Lalua
A matagaluega katoa mai lalo o te minisituli o Malo o Fenua ko oti ne kamata olotou lotu fakatasi.
Lipoti ne fai mai i a Lionola Eliapo tela ko ia te komiti fakamafua o te faigamea me i te olotou lotu muamua loa ne fai i te Aso Lima ko teka i te faletapu ko te Vaialofa.
Lipoti e fai mai i te lotu ka fai faeloa i te Aso Lima muamua o te masina.
Te pogai tonu o lotu koneii muna a Lionola ko te mea ke fakataaua te lotu i galuega fai.
I te taimi foki tenei ka fetaui ei a tino galue katoa, ko fakaasi ei ki sua tino a vaivaiga mo malosiga o tino galue i loto i te galuega, kae e fakamalosi foki ei a niisi taina galue.
Te Minisita mo te Failautusi o te minisituli ka maua foki te laa taimi o fakamalosi atu ki tino galue i taimi katoa e fai ei a lotu.
A lotu ka kamata i te itula e valu i te taeao.
Palele
