Mr Lee ko maua failoga
Ne tusi ne Silafaga Lalua
Te tiimu fesoasoani a Taiwan ki Tuvalu nei ko lauiloa I te tausaga nei mai tua o te mauaga ne te pule o te fatoaga se failoga tafasili I te faigataa te maua.
Te pule o te Polokalame Tupe Fesoasoani a Taiwan mo fenua o te Lalolagi ICDF ko Lin-Yen Jen ne fai mai ki tala o Tuvalu me I a Lee ne avatu ki ei te failoga o te toe tino poto ne lasi te lei o tena galuega ne fai I te tausaga katoa.
A ia ne fano mo te sili mai potopotoga katoa o fenua o te lalolagi kola e ‘vae ki vaega e tolu ? ko Afelika, Amelike ki te kogaloto mo fenua o te Caribbean mo Asia I ei mo te Pasefika.
Ne fai mai tala I a Lee ne fano mo te failoga ona loa ko ana galuega lei ne fai mo te tokilakau lakau kaina I loto I Tuvalu tigaa te se lei te one I konei, mo te fakamunaga me se lei te tokilakau I Tuvalu.
A Yen-Jen Lin tela ko ia te sui o te Polokalame Tupe Fesoasoani a Taiwan mo fenua o te lalolagi ne fai mai ki tala o Tuvalu me I te 32 tiimu penei a Taiwan I te lalolagi, e filifili katoa ne latou se olotou tino ke maua ne ia te failoga tenei.
Te failoga I ana muna me maua fua mafai e lagolagogina te tino ne filifiligina tena igoa ne ana tino pulepule, tino e galue tasi mo ia, kae mafai foki e galue lei a ia mo niisi tino.
Mo Lee, a ia ne lagolagogina ne te pule o te ICDF I konei, te ofisa maluga o Taiwan I konei, kae ne fakataliagina foki tena filigina ne te Minisita o Maumea totino o te atufenua.
Palele
