Pisinisi ke togi olotou laisene
Ne tusi ne Silafaga Lalua
Pisinisi i luga i te laumua ko tau nei o togi olotou laisene ke faka’tele olotou pisinisi imo te tausaga nei.
Hellani Tumua ? te failautusi o te Kaupule o Funafuti ne fai mai ki tala o Tuvalu i te vaiaso muamua tenei o te tausaga, ko isi ne tino fai pisinisi ne olo atu o togi olotou laisene mo te tausaga nei.
E fia fakamasaua atu a Hellani ki sose tino e isi ne ana mea e togi ki nisi tino me e tau o fai sena laisene kae e lei atu mana togi nei koi kamatamata tausaga.
E iloa ne tala o Tuvalu me isi ne tino togi sikaleti, lole mo fagu inu i Bingo i te tausaga ko fano kae seki togi olotou laisene.
Ko fia fakamasaua atu Hellani ki tino kona me mai lalo o te Tulafono mo mea tau laisene o pisinisi, e tapu te togi atu o sose mea ki tua aunoa mo se laisene, tiga te foliki.
A tino fai falaoa mo tino fia fai tuisi foki e tau o togi olotou laisene koi tuai o togi io me fai olotou tuisi.
Te laisene mo pisinisi e tusa mo te tausaga e tasi te leva o ia mai taimi e togi I ei.
Palele
