Tala o te Ofisa Popo
Ne tusi ne Lina Malaki
A niu mo nisi mea e maua mai niu ko oko nei ki se tulaga e se lava o fakatau ne te Ofisa Popo ona ko alagaa vaka.
I pati a te Menetia Aoao, Pasivao Maani i taga niu mo taga utanu mai fenua ki sauté ne seki aumai ite Malaga taluai ote Manufolau I tena auala mai Fiiti e pela foki mai nisi fenua kite kogaa loto mo fenua ki matuu.
Ne fai mai ne Pasivao ki Tala Tuvalu me ne fakamoemoe a te Ofisa Popo ke taunu mai a niu konei ki te laumua mai mua o te Kilisimasi mo te tausaga fou me uke a faiga mea o aso lasi pela mo fakaala, fakatasitasiga o kaiga, kaiga o matagaluega mo nisi faiga mea valevale.
Mai I luga I fakamafulifuliga o alaaga vaka mo te tiaki soko o taga niu, taga utanu mo mea kola e faite mai te niu I fenua I tua o te laumua, ko ala I ei o se lei te tulaga o mea e fakatau atu ki tua I tino mai te Ofisa Popo, e pelaa mo pati a Pasiva.
Te taulasiga o tino iluga ite laumua nei ko fokifoki fakafia ki te ofisa o Popo ona kote manakoga o latou ki niu mo nisi mea tau niu aka.
Palele
