Tamaliki akoga Motufoua ke tusi igoa
Ne tusi ne Silafaga Lalua
A tamaliki mo matua o tamaliki kola ka akoga i Motufoua i tausaga nei, vagana ei tamaliki i Vaitupu, ko manakogina fakavave ke tusi olotou igoa
Te ofisa e tokotasi mai loto i te matagaluega akoga ne fai mai ki tala o Tuvalu me ko tokomumea fua nei tamaliki ko oti ne fakamau olotou igoa.
Ne fai mai ne ia me e manakogina ko tamaliki fou mo tamaliki mua, mai Nanumea ki Niulakita, ke tusi katoa olotou igoa.
E manakogina kii a igoa o latou ki te matagaluega malini i te palaniiga o alaavaka kola ka fakafoki i ei tamaliki akoga ki Vaitupu koi tuai o tuu akoga.
E malamalama tala o Tuvalu me i te akoga e tuu i te po 22 o Ianuali, 2007.
Ko toe fakamalosi atu te matagaluega ki tamaliki mo matua katoa o tamaliki ka akoga i Motufoua i tausaga nei ke na olo ki Kaupule i olotou fenua io me ko te ulu ofisa o akoga mo latou e nofo i Funafuti nei.
Palele
