Te Iti Mate
Ne tusi ne Liina Malaki
Te fenua o Funafuti ne feagai mo ia te mate o te iti i te fakatutonu o te aso anafi telaa te lasiga o tino galue ne tai taofi mua olotou mea e fai ke toe ola a te iti.
Te fakalavelave ne tupu i loto i se aafa itulaa mai te aafa o te 11 ki te afa o te 12 i te tutonu.
Ne fakamaina mai ne te Menetia ote Kamupane Iti, Mafalu Lotolua i te fakalavelave ki te matega ote iti ne pogai mai ne se toka a fiuolo mo utu a mesini konei ote iti.
I ana pati i mesini fou konei e tau faeloa o utu kae ko te oela mo utu a mesini ne tuai o oko atu ki te faleiti.
I taimi ne mate i ei te iti, e tokolua a tino galue ne lave iloto ite lift i te ofisa o te maaloo.
Te tino galue o te Bangke a Tuvalu Felo Nai mo te tino galue a te maloo Teio Teaukai ne mafai o too ki tua mo te lift mai te fesoasoani o Eti Esela telaa ne nofo i te ofisa lasi i te taimi tenaa.
Te iti ne toe ola kae ko pili o afa te sefulua i te aso foki loa tena.
Palele
