Te Pule mua o te FFA ? te fanau Tuvalu ko foki mai
Ne fuligina ne Silafaga Lalua
Te Pule Saukatoa mua o te Fakapotopotoga Faika o te Forum, tela ne galue I Solomona ko oti ne foki mai ki Tuvalu mo tena kaiga.
Feleti Penitala Teo, se fanau Tuvalu ne filigina ke taofi ne ia te tofiga tenei I a Mee 2000, kae ne kamata tena galuega I a Novema I tausaga tene.
A ia ne fakateletele ne ia te fakapotopotoga tenei mo ne tausaga e 6 kae ne oti tena toe tausaga galue I te masina o Novema I te tausaga ko fano.
Ne faio mai ne Feleti ki tala o Tuvalu me mai lalo o tena takitakiga, ne fakataunu net e Fakapotopotoga e lua palani faka’galue a te Fakapotopotoga mo toe Iloilo I ei a galuega fai mo tiute o te Fakapotopotoga, e fakamailoga I ei te fakapotopotoga faika fou tela a tino e kau ki ei se gata fua I fenua kola e mai lalo o te FFA, kae ko fenua katoa kola e faika I loto I kogatai o te Pasefika.
Mai lalo o te Palani fakagalue a te Fakapotopotoga 2020, mo niisi fakamafuliga kola ne fakagalue I te 2005, te ulu ofisa o te Fakapotopotoga ne toe faopoopo ana tino galue mai te 50 ke siliga atu I te 80. Te fakataugaatupe e fakagalue ki ei ne masiki foki mai te 4 miliona tupe Amelika I 2001 ki te 12 miliona talaa mo tausaga 2006 mo te 2007.
I muna Feleti I a ia e malie tena loto mafia e toe kilo a ia ki taimi ne galue ei a ia I te Fakapotopotoga.
Te Fakapotopotoga ko sagatonu kii nei ki mua mo ana palani mo auala fakateletele kola ko oti ne toki, kae lasi foki tena uta mo fakaagai a fakalavelave kola ka mafia o maua I te fakatumauga o maumea tau faika I loto I te atu Pasefika.
Te sua mea taaua ne fakafeagai mo Feleti I tena galuega I te FFA mo se 6 tausaga ko te taumafaiga o fakateletele te fakapotopotoga mai lalo I tulaga faigata o te enivalomene galue ona ko fakalavelave I taua I te fenua ko Solomona I tausaga ne teka atu nei.
I ana muna me fiafia kii a ia me ne fakaoti tena taini galue mai lalo loa o faigataaga kona, kae fakafetai a ia ona ko te fesoasoani o te Polokalame Fesoasoani a fenua o te Pasefika ne taunu atu ki Solomona, tai ‘toka I ei te fakalavelave.
A Feleti se loia muamua o te malo mai te 1999 ki te 2000 koi tuai o maua ne ia te tofiga tenei I Solomona.
A ia ne suigina net e tino Samoa e igoa ki a Tanielu Sua tela ne galue tasi foki mo ia pela me se pule o te fakapotopotoga I fenua, kae ne pule mua foki I te kau faika.
A Feleti e fai nei tena malologa I Tuvalu kae ko isi foki nei sena galuega e faimo te malo o Tuvalukae togigina net e Fakapotopotoga Faika FFA.
A ia ka galue foki I se polotieki a Ausitalia tela e onoono ki luga I taupulega lei mo mea tau faika tela ne fait eke fakamalosi ne ia fakapotopotoga I loto I te Pasefika mo fenua taki tasi I olotou taumafaiga ke fakatumau kae atafai olotou maumea tau faika.
Palele
