Tino galue Taiwan i Tuvalu maua mea lei
Ne tusi ne Yvette D’Unienville
Te galuega lei e maua faeloa sena taui lei telaa ne tupu te mea tenei ki te tokolua tino galue o te Polokalame fesoasoani i tino atamai a Taiwan konei e galue i Tuvalu nei.
Mai te sui Pule o te Polokalame tino atamai a Taiwan ki Tuvalu, a Lin Yen Jen ko oti ne fakamasiki aka ki luga i te takitaki o te Polokalame.
Te sui maluga o Taiwan Dr Daniel Liao ne fakailoa atu ne ia mo te fiafia a te tulaga tenei mai tua o tena fakamaaloo kia Lin mo te lei kae maina o te folaga o te lipooti o galuega ne taunuu i lalo o te Polokalame i te tausaga 2006.
I ana pati me ona ko te galuega tafasili te lei ne fai ne Lin telaa ko ala I ei o fakamasiki aka a ia.
Ne faopoopo aka ne te sui maluga, me ite lipooti e fakaasi mai ei te galuega lasi ne fai ne latou, mo galuega ka fai ne latou mo te vaa taugasoa o Taiwan mo Tuvalu.
Te 35 tausaga o galuega i fenua kesekese a te suaa tino galue Taiwan i Tuvalu nei ko SONG PEY LEE, ne iku foki ki te filifiligina o ia ke puke ne ia failoga mo te tino tafasili te lei ana galuega i te 2006.
Te fakapulaga mo laua konei ne tali ne tino kami ki te patipati mo te fiafia.
Palele
