Yamada i Tuvalu nei
Ne tusi ne Silafaga Lalua
Tasi o tino lasi tena fesoasoani ki te enivalomene ne nofo aka i Tuvalu nei mo ne naai aso, mai te fenua ko Tipaani.
A Hideo Yamada, te Pelesitene o te kamupane lasi ko te Yamada ne fai mai ki tala o Tuvalu e auala i tena fakamatalaupu ko Ayako Sakka me i a ia e manako kii o fesoasoani ki te enivalomene kae i te vaitaimi nei a ia e isi ne ana polokalame fesoasoani mo fenua ko Saina, mongol mo Nepal i tetokiiga o lakau mo niisi atiakega.
Te fanaka o te levolo o te tai se mataupu lasi i te vaitaimi nei tela la ne manako a ia ke lavea ne ia te fenua, me i tena fakatau ko ia nei ko lasi tena fakamataku iloo fakalavelave aka.
Ne iloa atu ne tala o Tuvalu me i a Yamada ne fanatu o fetaui mo te ulu o te malo, sui o te Kapineta, tela ne toe iloa aka ne ia me uke atu a fakalavelave e fakafeagai mo Tuvalu i tafa o te fanaka o te levolo o te tai.
I ana muna me i kaiga mo te se lava o vain e fakalavelave lasi kii mo se fenua foliki penei.
Te kamupane ne fakatuu i te tausaga 1948 kae e fakafanau ne ia a bee, e togi ne ia a mea e faite ki bee mo koga e nofo i ei. Te kmupane e fai ana sukesukega kae faite foki ne ia niisi mea e mai mai bee.
Ta kamupane tenei e tolu aka foki niisi kamupane foliki kola e kesekese katoa mea a latou e faite.
A Hideo Yamada ne puke ne ia tofiga pelesiteneo te kamupane lasi mai tena tamana ko Masao Yamada i te 1983.
A ia ne tiaki ne ia Funafuti i te aso nei i te vakalele a ia ne togi.
Palele
