Pasese se fiafia
Ne tusi ne Yvette D’Unienville
A pasese kolaa ne taunuu mai I te malaga taluai a te Manufolau mai fenua i togaloto ne fakaasi aka olotou loto se fiafia ona ko molii i te uafu lasi.
Lipooti mai pasese e fai mai me I te taunuu maiga a latou, te uafu e pouli telaa tai se lavea ne latou olotou kope mo te auala foki ki uta i te fakamalumalu o pasese.
Ne iloa atu foki ne tala o Tuvalu me tokotasi te tamaliki telaa ne taunuu mai mo ona matua, kae e se lei ana mata I te pouliga ne too ki lalo i te tai I te po tenaa.
Te Pule o Malini Uale Sinapati ne fai mai me ko isi se fakatagi a te matagaluega o Malini ne fai atu ki te Kampane iti mo se fesoasoani kae ne ui atu i te tino galue fakamatuatua ko Brownie Manao.
Ne fai mai foki me isi foki se suaa fakatagi ne too avatu ne latou ki te Kampane iti mo se fesoasoani ki te fakalavelave ki moli o te uafu.
Te Menetia aoao o te Kampane iti Mafalu Lotolua ne fai mai, me e seai sena iloa i se fakatagi mai te Malini e uiga mo iti o te uafu, naa fua ko te fakatagi ki se fesoasoani o ana tino galue i te tapalega keatea o te pou iti i te uafu telaa ko popo.
Te ofisa fakamatuatua ite vaega o te iti i te matagaluega fakatutu a te maloo, Taukiei Lesaa ne fai mai foki me siki ai loa se fakatagi ki te lotou matagaluega mai te Matagaluega o te Malini e uiga mo te fakalavelave ki iti o te uafu.
Palele
