Akoakoga ate FFA i Funafuti nei
Ne tusi ne Lina Malaki
Te tino atamai mai te fakapotopotoga faika a fenua o te Forum (FFA) e nofo nei I te luamua o fai te akoakoga ki te faiga o tulafono, tausiga mo te iloiloga ki vaka se laisene I kogaa tai o Tuvalu.
Te akoakoga ne kamata i te Aso Gafua kae e fai mo se vaiaso e tasi.
I pati a te Pule o te Kaufaika, Samasoni Finekaso ki Tala Tuvalu ia Lamiller Pawut mai te FFA ka fai ne ia te akoakoga kae ka fesoasoani ki ei a tino galue o te matagaluega faika.
Te akoakoga ne fakatokagina ne te ofisa fakapotopotoga o te kaufaika kau ki te Forum (FFA) fakatasi mo te matagaluega faika I Tuvalu nei.
I pati foki a Samasoni, I te akoakoga tenei e taketi ne ia a tino galue i feituu penei i Tuvalu nei, kae ne fakatoka ko te mea ke avaka I ei a atamai o tino galue I te faiga o sukesukega kae ke lasi te malamalama o latou i luga i feagaiga mo mataupu penei a te lalolagi, te Pasefika, mo te atufenua e e pelaa foki a tulafono kolaa e fakagalue ki ei.
A sui ki te akoakoga tenei e aofia I ei ko tino galue mai te matagaluega faika, te matagaluega a Pulisimani, te ofisa o te loia o te maloo, custom, te matagaluega fakatoka pepa fo’lau, te ofisa o te ola lei, te ofisa e panaki mo te iloiloga o mea tau tokilakau e ave i vaka mo vakalele, mo tino galue I ei mai fakapotopotoga se aofia I te maloo.
Palele
