Fakapotopotoga tau o togi PF
Ne tusi ne Yvette D’Unienville
A foitino mo kampane katoa kolaa e fakagalue ne latou a tino ko oti ne avatu kialatou ne tusi fakamsaua ne te Tupe Teu a Tuvalu.
Te ofisa telaa e aasi ne ia a PF o tino galue Manraoi Vaaia ne fai mai ki tala o Tuvalu, i kampane mo fakapotopotoga konei ko oti ne fakamasaua atu kia latou a te tulafono telaa e fai mai me sose fakapotopotoga e fakagalue neia se tino e tau o togi ne ia a te PF o te tino galue tenaa.
E 31 passene o fakapotopotoga penei e seki togi ne latou a tusaga ki PF o tino galue a latou i te tausaga ko teka.
Sose tino galue telaa e katoa te 20 talaa i tena peofuga io me siliga ite lua vaiaso, e tau o fai tena PF telaa e togi fakatasi ne ia mo te fakapotopotoga telaa e galue iei e taki 10 pasene ia laua.
Ne fai mai ne Manraoi me masani o fai a fakamasakoga a fakapotopotoga me ona e see lava a tupe mo togi a PF o tino galue kae i ana pati me se talia te fakamasakoga tenei ona sose fakapotopotoga kafai ko palani a tena fakatauga tupe e tau loa o fakatuu i loto se vaega mo togi a PF o ana tino galue.
Te faigofiega, i pati a Manraoi ko fakapotopotoga ke fakatoka loa se ata o peofuga o ana tino galue ko te me ake mafai o toe aasi kiei mafai ko fai ana asiga.
Ne fakamalosi mai aia ki fakapotopotoga ke usiusitai kite tulafono mo te taimi e tau o togi atu iei a tusaga o pf o ana tino galue.
Palele
