Fonotaga ate IWC
Ne tusi ne Silafaga Lalua
Te Fakapotopotoga mo Tafolaa a te Lalolagi ko te IWC ko oti ne fakatoka se fakatokaga lei I tena fonotaga tela ne fai I te vaiaso ko teka i Tokyo i Tiapaani.
Te Failautusi ki te Malo Panapasi Nelesone tela ko ia foki te sui o Tuvalu ki loto I te fakapotopotoga, ne kau fakatasi atu ki te faigaa fonotaga, kae ne fai mai ki Tala o Tuvalu, me I te fakatokaga tenei se mea e taua kii ki te fakapotopotoga.
E lipooti mai me I te fonotaga a te fakapotopotoga tenei tela ne fai i St Kitts mo Nevis I te tausaga ko fano, ne fakatalia I ei a te fakatagi tenei mo te fakatokaga tenei, kae ne iku foki ke fakatoka ne Tiapaani a te fonotaga i te tausaga nei ko te mea ke titimanatu kae faipati a sui ki luga I te toe fakatokaga o te IWC e pelaa foki ke fakatoka se palani mo galuega ke fakataunu a te feagaiga ki te fakanofoga mo tafolaa.
Ne fakamatala mai ne Panapasi me I te manakoga ke fai se fakatokaga penei ko te fakapotopotoga ke fano tonu mo te agaaga telaa ne fakatuu I ei.
Ne faopoopo aka ne Panapasi me i fenua kola e teke ne latou te taa o tafolaa e lasi atu te lotou fuainumela i loo fenua kola e fai ke taa, kae ne seki olo atu katoa kit e fonotaga, tena ne siki mafai ei o fakataunu a faipatiga ki luga i fakatokaga io me ko mataupu kola net au o faipatigina I te fonotaga.
Te fonotaga tenei e lima aso, tela te tolu o aso muamua ne aofia I ei ko te fonotaga mo te IWC kae ko te lua o aso mai tua ne fakaavanoa mo fenua kola e lago ke taa a tafolaa.
Ne faka’mafa mai ne Panapasi me I te tulaga o Tuvalu ki te fakapotopotoga tenei IWC e kau ki te fakaogaaga fakalei o mea ola i te tai i se auala telaa e tutumau, pelaa mo ituu kaiga o tafolaa kafai e fakaptonu mai ne te Komiti o Saientisi a te IWC me ko too uke te lotou fuainumela, e mafai o taa i se aualaa telaa e mafai o tumau ke lausa ki tupulaga i aso fakamuli.
Palele
