Minisita mo maloo o fenua ne pono ne ia te akoakoga
Ne tusi ne Yvette D’Unienville
Te Minisita mo maloo o fenua tena malu Willy Telavi ne pono fakapitoa ne ia te akoakoga ki faiga o sokotakiga mo faipatiga i feituu tau enivalomene.
I tena lauga ne faipati aia me i tena talitonu a sui o te akoakoga ne maua ne latou se atamai aogaa mai te akoakoga.
E fakamoemoe a ia ko te mea ke uke atu a akoakoga penei e fai I te atufenua ko te mea ko tino galue I te maloo mo fakapotopotoga se aofia I te maloo ke maua ne latou te atamai i te faiga o sokotakiga mo fenua o te lalolagi.
I ana pati me manakomia ne tino kolaa e mafai o sui ne latou te manakoga o Tuvalu ke faipati atu ki te fenua ote lalolagi e uiga mo manakoga mo pokotiaga o tatou.
Ona ko te manakoga ke malosi te leo o Tuvalu i loto i fakapotopotoga a fenua, a tena malu ne fakaasi aka ne ia me i te putiakega o te mafai o tou tino i te aofia atu o latou i akoakoga, se kalafaga taua mote feituu tenei.
Palele
