Te Komisina mo tino galue
Ne tusi ne Silafaga Lalua
Te Komisina mo tino galue ko oti nei ne gasue o fakalei aka te tulaga o galuega fesoasoani mo tino i loto i Tuvalu.
I te vaiaso ko teka, a te Polofesa mo mea tau vailakau mai te Akoga faka-Tokita o Fiiti ko te FSM, ne vau ki te atufenua, mai luga i te kamiga a Komisina mo tino galue, ke onoono, faipati, kae fai fautuaga ki feitu I mea tau akoakoga kola e manakogina ne tokita I lotou galuega fai i Tuvalu nei.
Professor Robert Mould e fakakoako ne ia tamaliki faka-tokita pela foki mo tino faka-tokita i feitu kesekese mo masaki taki tatasi mai fenua katoa o te Pasefika i te FSM.
I ana pati me i te malo io me ko komisina mo tino galue ne mafaufau me e taaua ke vau se tino pela mo ia ke vau o faipati mo tokita i konei, tela ne fakataunu loa ne ia.
Olioliga Iosua te sui failautusi o te Personnel and Training ne fai mai foki me i te Polofesa Robert ne vau loa mo te mafufauga ke faipati kae onoono ki galuega fai a tokita, kae ke onoono foki ki koga kola e manakogina i ei ke fakalei atu te galuega I feitu tau akoakoga.
I ana pati me ona la kote komiti tenei kote PSC e onoono ki te lei saukatoa o galuega fai i loto i te malo, e ma’nako foki latou ke fakamaua ne auala kola e mafai ei o maua ne fesaosaoni mote fano ki mua o galuega fai a tino galue ate Malo o Tuvalu.
Te professor ko Robert e fia fakamasaua mai me i tokita i Tuvalu nei e fai ne latou ne galuega lei kii, kae lasi kii te fakalavelave mo pokotiaga e maua kae fakafeagai mo latou i te olotou galuega, tela la e tau o amanaiagina a galuega ‘mafa a latou e fai.
Ne fai mai foki ne ia me e lei kii mafai e masaua ne tatou galuega lei a latou e fai, tela la e manakogina ne latou a te fesoasoani o tino katoa i te faiga ke lei te galuega.
A Professor Mould ne tiaki ne ia Tuvalu i te vakalele o te Aso Fa, kae ko tena vau mo tena nofo i konei ne togigina katoa ne te malo..
Palele
