Te Forum Secretariat i Tuvalu nei
Ne tusi ne Lina Malaki
Tokolua ofisa mai te Ulu Ofisa o te Forum ne fai te laa asiga ki tino o te malo, fakapotopotoga se aofia i te malo fakatasi mo pisinisi foliki mai te po 04 ki te po 11 o te masina nei.
Ne fai mai ne te Ofisa Fakatau Koloa, Pugameau Taufilo ne fai ki Tala Tuvalu te Malaga a laua konei ne pogai mai luga i te fakatagi a te malo ki te Ulu Ofisa o te Forum ke fai ne laua a faipatiga i te laa asiga tenei mo ofisa ki tulaga o faiga o polotieki togigina mai lalo i te feagaiga o fenua o te pasefika I feitu tau fakatau koloa.
I loto foki i te asiga tenei, a Shiu Raj mo Malie Lototele ne fakatasi foki a laua ki te faiga akoakoga e tasi te aso te leva ki sui e tino tolu ki te fakataliaga o vaega fakatau koloa o Tuvalu ki fenua i tua mai lalo o te feagaiga ki tulaga fakataugasoa I mea tau meaumea.
Te fakatokaga o te vaega fakatau koloa o Tuvalu ka avatu ki te fonotaga o te Kapineta.
A Shiu mo Malie ne foki atu ki Fiiti i te vakalele o te Aso Gafua o te vaiaso nei.
Palele
