Tuvalu ka fakatasi atu ki te fonotaga i Papua New Guinea
Ne tusi ne Lina Malaki
Te Pule o te Matagaluega o Tokilakau ne tiakina ne ia te laumua i te vakalele o te aso nei o fakatasi ki te fonotaga tela ka fai I Papua New Guinea kamata i te vaiaso fou.
Lipoti e fai mai i a Itaia Lausaveve mo Saaga Talu mai te ofisa loia o te maloo ka sui ne laua Tuvalu ki te fonotaga tenei tela ko te toe fonotaga ki te fakaikuga o te faiga tulafono i te atafaiga mo te puipuiga o lakau mo fuaga lakau mo meakai togi i loto I fenua o te Pasefika.
Te fonotaga tenei ka togigina ne te Ulu Ofisa o fenua o te Pasefika ki Saute kae ka fakatasi atu foki loa i ei ko sui mai te Pasefika tela ka fai ei ne latou te ikuga ki te tulafono tenei kae maise ko te fakaogaga o te tulafono e tau tonu mo fenua o te Pasefika.
Ne fai mai ne Itaia i te fonotaga tenei ka fakamalosi foki i ei te tulafono tenei mo te atafaiga mo puipuiga o lakau kaina i loto i fenua o te Pasefika.
Tokolua ofisa konei ka foki mai ki te atufenua i te po 25 o te masina tenei.
Palele
