Party o te ponoga fonotaga
Ne tusi ne Silafaga Lalua
Faiga mai pati mo sautalaga ko oti ne faipatigina i te fonotaga ko te mea e manako ki ei te Ulu o te Malo Apisai Ielemia, i se taimi pili mai mua nei, i tena lauga ne fai i te poi te kaiga ne fai i te po.
Te fonotaga e tasi te aso te leva te la ko te fonotaga a Tuvalu i te 2007mo te Kakeega Lua tela ne fai anafi, fakatasi mo te lipoti a Tuvalu ki luga i tapula atiake o te mileniuma tela ne fakaalogina i te aso Lua ne pono katoa i te po o te aso anafi ki te kaiga tela ne fai i te fale talimalo ko te Vaiaku Lagi.
Te Ulu o te Malo ne sui atu ne ia tino mo te malo o Tuvalu o siki te fakafetai ki taugasoa fesoasoani katoa kola ne mafai o fakaoko mai ki Tuvalu ki te fonotaga, ke mafai ne latou o fakalogologo kae tauloto a fakalavelave kola e fakafeagai mo Tuvalu.
I ana pati me i tena fakamoemoega ko te mea ke isi se fano ki mua io me ko te fakataunuga o patipatiga kola ko oti ne fai i te fonotaga anafi in e naai masina mai mua nei.
A Kirk Yates tela ne sui ne ia taugasoa fesoasoani ne fakamaloo atu ki tino katoa ne aofia i te fakatokaga o te fonotaga, me e lasi kii te taimi ne fakamaumau ki te fakatokaga o folafolaga mo sautalaga kola ne fai i taimi o te fono tela ne iku manuia te fonotaga.
Ne fakaasi aka foki ne ia me ko isi ne taumafaiga ko oti ne lavea mai feitu e lua i tausaga e lua ko teka atu nei, kae ko latou e fiafia kii ke toe foki mai latou i te tausaga ma vau mo te sua fonotaga penei.
Te kaiga ne oti i te itula e 10 i te po kae ne fakafiafigina ne te potukau saka a te fenua ko Nukulaelae, te tiimu lakapii fakapatele mo te Fagogo Malipolipo i ei.
Palele
