« Healthy eating and living promoted | Main | Summary of the fifth day of Parliament »

July 31, 2007

Te lima o aso o te Palamene

Ne tusi ne Silafaga Lalua

Te faa o aso o te fonotaga a palamene ne lagona i ei te uke o titiigamantu mai sui o feitu e lua o te fale malu i te aso nei.


Titiigamanatu ne fai ki luga i fesili e 17 kola ne avaka fakatasi mo Tulafono Fakatautau kola ne avaka i olotou faitauga kesekese.


A fesili kola ne avak ne aofia i ei te fesili me sea te faifaiga e fakagalue ne te malo mo te minisita tausi manafai ko olo malaga a minisita e siliga atu i te tokolua ki tua atu mo Tuvalu, tela ne tali ne te Ulu o te Malo me ia ia e tausi fua ne ia te minisituli e tasi.

Sua fesili ne siligina me ko te malo e isi sena taumafaiga o toe salasala atu ne kamupane fakamaua avanaoaga mo tou kauvaka, kae ne tali aka foki ne te minisita tau mo kauvaka me e isi ne taumafaiga a te malo penei.

E lua Pili io me ko Tulafono Fakatautau kola ne avaka i la faitauga muamua e fakaigoa ki te tulafono fakatautau ki te fakamafuliga o te tulafono sitiseni Tuvalu 2007, mo te Tulafono Fakatautau 10/07 tela ko te Merchant Shipping Amendment Bill 2007, kae kola ne pasia katoa.

Te Tulafono Fakatautau ki te fakamafuliga o te Tulafono lasi a te atufenua ne avaka foki i tena faitauga i te lua, kae ko te tulafono fakatautau ki te tukufakatasiga o fakapotopotoga se kau i te malo ne avaka i tena toe faitauga i te tolu kae ne taliagina foki tela la ko liu tulafono nei a te Pili tenei.

Te aso taeao e oo te kau se aofia i te malo tela ka avaka i ei a mataupu e 10.

Te fonotaga i te aso nei ne oti i te itula e faa kae ka toe fakasoko i te itula e 10 i te taeao ma taeao.

Palele