TNVA KO SALA SENE
Ne tusi ne Silafaga Lalua
Te fakapotopotoga volipoolo a te atufenua ko te TNVA ko sala nei ana tupe, i tafa o niisi potukau tafao mo fakapotopotoga konei e ala tupe i te vaitaimi nei.
Te pelesitene o te TNVA ko Ese Apinelu ne fai mai ki tala o Tuvalu me e isi se koniseti a tiimu tafao a fafine mo tagata kola ka olo ki Samoa i te po nei mo te po taeao.
I te po nei ka fai te koniseti, tela ka fakaasi ei a vaega sakaga valevale mai te Pasefika, i te vaiaku Falekaupule mai te itula e valu i te afiafi nei.
I te po o te aso taeao ka fai te koniseti i te Tausoa Falekaupule.
A tino matua e togi ki te 2 talaa kae ko tamaliki e taki lima sefulu sene katoa te togi.
I patia Ese me i tupe konei e salasala ka fai mo togi a togiga tafao o tiimu konei e lua mo olotou tafao i Samoa, fakatasi mo niisi manakoga kola e tau o togi ne latou i te faiga tafaoga.
Palele
