Futipoolo ko tala fepakiga
Ne tusi ne Silafaga Lalua
Te tiimu futipoolo a Tuvalu ko toka nei mo te fepakiga loa muamua mo Tuvalu I te faiga tafaoga tenei I Samoa.
Te takitaki faiakoga o te tiimu ko Toakai Puapua ne faipati kia Silafaga Lalua mai tua o fakaakoakoga I te po anafi kae I ana pati ia latou ko toka o fepaki mo Fiiti I tea so taeao.
I ana pati me ne galue malosi latou faiakogao te tafaoga o toe fakafoki mai te malosi o tamaliki tafao mai te taunuga loa ki Samoa te tiimu, onona ne lasi kii te malosi ne toese I te malaga loa kae sou.
Olotou fakakoakoga ne kamata fua anafi.
Ne fakafesiligina Toakai I te toka o te tiimu o fepaki atu kit e tiimu malosi a Fiiti kae I ana pati me e malamalama katoa tamaliki tafao ia Fiiti ne fano mo te pine aulo I te tafaoga lasi a te Pasefika taluai kae e fakamoemoe foki loa latou ke toe maua ne latou I te tausaga nei.
E ui tena I ana pati me ne akoako latou ki feitu kola I te olotou fakatau e too I ei te tiimu a Fiiti tela la e talitonu a ia me ka lei loa tena kau I te fakataufaiga taeao.
Te menetia o te tiimu ko Maimoaga Mesako ne fai mai foki me ne lasi kii te fesoasoani o te Malaga a te tiimu ki Fiiti I te masina ko fano me ko lavea atu te lasi te atamai ne maua net e tiimu I te tafaoga talu mai taimi tena.
A Toakai ko fakamolemole atu ki kaiga, taugasoa o te tiimu futipoolo kae maise te atufenua saukatoa ke masaua mai fanau konei ka ‘tala ne latou te faigatafaoga mo Tuvalu I tea so taeao Aso Ono I te ono I te afiafi, tela ko te Aso Saa I Tuvalu nei.
Palele
