Logona Esau ka ave ne ia te fuka o Tuvalu
Ne tusi ne Silafaga Lalua
Te tamataene sausau mea mafa o Tuvalu ko Logona Esau ko tai katoa nei te lua o tausaga tena taulotoga I te akoga sausau mea mafa I Apia Samoa kae fepakipaki foki mo tino sausau mea mafa mai fenua o te lalolagi.
Tenei te pogai ne flifiligina ei a ia net e komiti o te tiimu Tuvalu ke ave ne ia te fuka o Tuvalu I te maati tela ka fai I te po o tea so nei Aso Ono po 25 o Aokuso.
A Logona tela ko 21 ana tausaga mai te fenua ko Nukufetau ne kamata ana akoakoga I te akoga tenei i te masina o Oketopa 2005 kae I taimi nei ko lasi kii tena iloa I te sausauga o mea mafa tela ne mafai ei ne ia o maua ne pine aulo a lua, pine bronze a lua mo te siliva ei e tasi I ana fakataufaiga I te tausaga ko fano.
A ia e sau I tino sausau mai lalo o te 69 kilokalame te mafa kae I te kamataga o tena akoakoga tena sau ne nofo I te 115 kilokalame mo te sau ko te clean & jerk, kae 92 I te sau ko te snatch.
I te vaitaimi nei ko nofo tena sau kit e 150 I te clean & jerk kae 110 I te snatch tela ko lasi ei te mautinoa me ka maua se pine mo Tuvalu I te faiga tafaoga tenei.
I tena faipatiga kit e tino tusi tala a te leo Tuvalu I Apia ko Silafaga Lalua ana pati I a ia e otia kii tena loto me ne filigina ia k eave ne ia te fuka o Tuvalu I te faigamea ma po.
I ana pati me taua kii kia ia te sae o Tuvalu ki luga I fenua katoa o te lalolagi I tena tafaoga pela foki mo niisi tafaoga aka.
Mai tua o tena fakataufaiga I sua vaiaso mea loako kamata tena fakkaakoakoga mo te faigatafaoga sausau tela ka lavea I ei a tino e tau o olo o fakataufai I te faiga tafaoga lasi a te lalolagi ko te Olympic I tausaga ma vau kae tela ka fai I Thailand I sua masina.
Tena fakataufaiga ka fai I te Aso Lua o te vaiaso ma vau kae ko moli atu ana alofaaga ki kaiga mo taugasoa katoa I Tuvalu.
E siki tena fakafetai mo talosaga I te lua tausaga ko teka kae toe akai atu a ia ke masaua mai a ia mo tena taumafai ke maua se mealei ma te atufenuai tafaoga.
Palele
