« Summary of the fifth day of Parliament | Main | Tuvalu flag raised - witnessed by Team Tuvalu »

August 25, 2007

Tiimu tafao - sisi te fuka o Tuvalu

Ne tusi ne Silafaga Lalua

I te taeao o tea so anafi Aso Faa po 23 o Aokuso ne paa I ei te ulufonu mai te tiimu tafao a Tuvalu I Samoa I te faigamea ne fai I te fakai o te Kolisi o Samoa mo te sisiiga o te fuka o Tuvalu.

Mea nei se vaega o te polokalame ne fakatokagina ne Samoa mo fakatalofa I ei ki tiimu tafao mai fenua katoa o te Pasefika I te faiga tafaoga tenei.

Te tino tusitala a te leo o Tuvalu ko Silafaga Lalua I Apia ne lipoti mai me ia Tuvalu ko te lua nei o fenua ke sisi tena fuka I te fakai tenei mai tua o Tokelau, kae ne lipoti mai I te faigamea ne aumai I ei a fakatalofaaga a te pule o se fakai o Samoa kit e tiimu Tuvalu.

Ne fakamanuia atu a ia kit e tiimu I ana taumafaiga mo tafaoga kae ne akai atu foki ke fakaavanoa olotou taimi o matamata I uke o tena fenua gali kae koi nofo latou I Samoa.

Ne fakaagai atu tena lauga mo tena fakatalofaaga net e takitaki Malaga ko Monise Laafai ki te lauga fakafetai mo te fakatokaga ne latou se faigamea e amanaia ei Tuvalu.

I ana muna me ia latou e fiafia kii o fakatasi atu ki te 13 o faiga tafaoga a te Pasefika I Samoa, kae se gata I ei e fiafia kii latou ona ko kau atu a Tuvalu ki te Olympic tela ko te fakapotopotoga lasi loa a te lalolagi mo mea tau tafaoga.

Te tiimu ne maua ne ia te mealofa ko te tanoa mo nis mea aka kae ne fakafoki atu te alofaaga I te mealofa e aofia I ei se papa, te ili mo te tui fafetuu tela ne avatu I se alofa ne paa ne te tiimu tafao katoa.

Palele