TASNOC ko fakamavae ki tamaliki tafao o te PSG 2007
Ne tusi ne Silafaga Lalua
Te fakapotopotoga tafaoga o Tuvalu mo te komiti o te Olympic ko te TASNOC ka fakatoka ne ia se kaiga lasi i te po o te aso taeao i te Vaiaku Lagi Hotel.
Te kaiga e fakapitoa mo tino tafao katoa kola ne sui atu ne latou Tuvalu ki te faiga tafaoa a fenua o te Pasefika tela ne fatoa oti i Samoa i te kamataga o te masina nei.
Te kaiga tenei ne fakatokatokagina ne komiti o te tiimu Tuvalu ki Samoa pela me se fakamavaega a tino tafao katoa koi tuai o tuua atu ki olotou koga masani.
I te lipoti ne maua mai ne tala o Tuvalu i te fakapotopotoga e fakafetai mo te taumafaiga ne fai ne fanau konei i Samoa.
Ne lipoti mai foki me ka isi ne siva mo fakafiafiaga ka fakatoka ne tamaliki tafao i te po tena koi tuai o fakasoko te po ki te tuisi.
Palele
